Шымкент ақпараттық порталы
 
Шымкентте алғаш рет инвестициялық жоба бойынша 9 қабатты 4 үй бой көтереді

Шымкентте келер жылы алғаш рет инвестициялық жоба бойынша 9 қабатты 4 үй  бой көтереді. Бұл баспаналар «Тұрғын үй, құрылыс жинақ банкі» АҚ мен «Шымкент» әлеуметтік-кәсіпкерлік корпорациясы» ҰК» АҚ-мен бірлесе отырып салынадыБұл туралы ОҚО Аймақтық коммунакациялар қызметінде өткен брифингте «Тұрғын үй құрылыс жинақ банкі» АҚ ОҚО филиалының директоры Қ.Маликов пен «Шымкент» ӘКК» ҰК» АҚ Басқарма төрағасының орынбасары М.Жүйріктаев мәлім етті, деп хабарлайды ОҚО әкімінің баспасөз қызметі.
Қасымбек Маликов бұл пәтерлер «Тұрғын үй, құрылыс жинақ банкінің» салымшылары мен «Қолжетімді тұрғын үй-2020» бағдарламасы аясында кезекке тұрған азаматтарға берілетінін жеткізді.  
Құрылыс комбинаты әдісімен тұрғызылатын тұрғын үйлерде коммерциялық және автопаркинг алаңдары қарастырылған. Бұл үйлерді салуға облыстан 1,5 млрд. теңге қаржы бөлінсе, қалған қажетті қаржы инвесторлар тарапынан тартылатын болады.
«Жалпы саны 192 пәтерден тұратын баспаналардың құрылысын 18 айда аяқтап, пайдалануға беру жоспарлануда. «Өңірлерді дамыту-2020» бағдарламасы аясында Қазақстан Тұрғын үй құрылыс жинақ банкі арқылы пәтерлердің шаршы метрі 150 мың теңгеден халыққа ұсынылады», - деді М.Жүйріктаев.
Бұл жобаны қолға алмас бұрын «Шымкент» әлеуметтік-кәсіпкерлік корпорациясы» өз тарапынан облыс және республика аймағында жүргізіліп отырған құрылыстар бойынша сараптама жүргізіп, үйлердің құрылыс комбинаты әдісімен салынғаны тиімді әрі сапалы болатынын анықтаған. Өйткені бұл әдіспен бой көтерген үйлер қысқа мерзімде салынып, сейсмикалық төзімді болады. Сондай-ақ, құрылыс комбинаттарын қолдана отырып, отандық тауарөндірушілердің жұмысының жандануына үлес қосады.

 ҚазАқпарат
 
Республикалық жаңалықтар
Нұрлы жол - Путь в будущее Новая индустриализация Қазақ хандығына 550 жыл Болашаққа 100 қадам Мәңгілік Ел
Мемлекеттік рәміздер
Қала туралы
Негізгі ақпарат Шымкент — Қазақстандағы қала, Оңтүстік Қазақстан облысының орталығы... Қала тарихы Осы уақытқа дейін ғалымдардың көпшілігі қазіргі Шымкент қаласының... Статистикалық деректер Халық - 865 575 адам
Орташа айлық. Жалақы 81.166 теңге.
ЖӨӨ (2014) - 2.362.400.000 теңге.
ЖӨӨ (2014) - 102,6%
Бағаларының индексі (2014) - 106,8%
Жұмыссыздық (2014) - 6,3%
Фотогаллерея Қала картасы
Яндекс.Метрика